የኪነ ጥበብ ባለሙያዎች ላቀረቡት “ለሀገር መከላከያ ክብር እቆማለሁ” ጥሪ 5:30 ላይ ኢትዮጵያውያን ምላሽ ይሰጣሉ

የኪነ  ጥበብ  ባለሙያዎች ላቀረቡት “ለሀገር  መከላከያ ክብር  እቆማለሁ” ጥሪ  5:30 ላይ   ኢትዮጵያውያን ምላሽ ይሰጣሉ

***********************

ለዛሬ ማክሰኞ ህዳር 8 ከቀኑ 5:30  ጀምሮ እንዲካሄድ ቀን ለተቆረጠለት ጥሪ ጠቅላይ  ሚኒስትር  ዐቢይ አህመድን  ጨምሮ ኢትዮጵያውያን በያሉበት በመሆን አጋርነታቸውን ይገልጻሉ ተብሏል፡፡

የኢፌዴሪ መከላከያ ሚኒስቴርም  "ለሀገራችን ሉዓላዊነት እና ለህዝባችን ክብር የማንከፍለው መሥዋዕትነት እንደሌለ ዳግም በማረጋገጥ” የቀረበውን ጥሪ  ተቀብለናል ብሏል፡፡

በመርሐ ግብሩ ህግን ለማስከበር ተሰማርቶ ከፍተኛ ድል እያስመዘገበ ለሚገኘው ሠራዊት ክብር የሚሰጠው፣ ህዝብ እና መንግስት የሰጠውን ግዳጅ ሲወጣ በጁንታው ኃይል ክህደት የተሠው የመከላከያ ሰራዊት አባላትም ይዘከራሉ ተብሏል፡፡

በዚህ መሠረት በዛሬው  ዕለት ሁሉም ኢትዮጵያዊ በያለበት ቀጥ ብሎ በመቆም  "ለአንድ ደቂቃ ቀኝ እጃችንን በደረታችን ላይ በማድረግ ለመከላከያ ሠራዊት ያለንን ክብር በተግባር  እንገልጻለን፣ ቀጥሎም በያለንበት ሆነን ለአንድ ደቂቃ ያለማቋረጥ እያጨበጨብን ለሠራዊቱ በተግባር እናረጋግጣለን” ይላል አዘጋጁ  ግብረ ኃይል ያወጣው  መረጃ፡፡

የቪዲዮ መረጃዎቻችንን ለማግኘት ትክክለኛውን የዩቲዩብ ቻናላችንን ሰብስክራይብ ያድርጉ

https://www.youtube.com/c/EBCworld

ፈጣን መረጃዎችን ለማግኘት ትክክለኛውን የቴሌግራም ቻናላችንን ይቀላቀሉ

https://t.me/EBCNEWSNOW

በፎቶ የሚቀርቡ መረጃዎችን ለማግኘት ኢንስታግራም ገጻችንን ይጎብኙ

https://www.instagram.com/ebcnews1