በአዲስ አበባ ከተማ በማንኛውም ምክንያት ርችት መተኮስ የተከለከለ መሆኑን ፖሊስ አስታወቀ

በአዲስ አበባ ከተማ በማንኛውም ምክንያት ርችት መተኮስ የተከለከለ መሆኑን ፖሊስ አስታወቀ

*****************

በአዲስ አበባ ከተማ በማንኛውም ምክንያት ርችት መተኮስ የተከለከለ መሆኑን የአዲስ አበባ ፖሊስ ኮሚሽን አስታውቋል።

አንዳንድ ግለሰቦችና ተቋማት ልዩ ልዩ ፕሮግሞችን ምክንያት በማድረግ  ርችት እየተኮሱ በመሆኑ በአሁኑ ወቅት ሀገሪቷ ካለችበት የፀጥታ ሁኔታ አንፃር በምንም አይነት ምክንያት ርችት መተኮስ የተከለከለ መሆኑን ነው ፖሊስ ያሳሰበው።

ፖሊስ ኮሚሽኑ ሕግን የማስከበር ስራውን አጠናክሮ መቀጠሉን እና ህብረተሰቡም ለኮሚሽኑ ስራ ስኬታማነት አስፈላጊውን ድጋፍ እያደረገ መሆኑን ገልጿል።

መልእክቱን በመተላለፍ ርችት ሲተኩስ የተገኘ ግለሰብ በህግ የሚጠየቅ መሆኑን የአዲስ አበባ ፖሊስ ኮሚሽን በጥብቅ አሳስቧል።

  

ህብረተሰቡ ለህግ መከበር እያደረገ ላለው ቀና ትብብር ኮሚሽኑ ምስጋናውን አቅርቦ ትብብሩ ተጠናክሮ እንዲቀጥል ጥሪውን አስተላልፏል።