የኢትዮጵያ አየር መንገድ ከነገ ጀምሮ ወደ ሩሲያ መብረር ይጀምራል
*****************************************************
የኢትዮጵያ አየር መንገድ ከነገ ጀምሮ ወደ ሩሲያ ርዕሰ ከተማ ሞስኮ የቀጥታ በረራ አገልግሎት መስጠት እንደሚጀምር አስታወቀ፡፡
የአየር መንገዱ ዋና ስራ አስፈፃሚ አቶ ተወልደ ገብረማሪያም በቆዳ ስፋቷ የአለም ግዙፍ ሀገር ወደ ሆነችው ሩሲያ የሚጀመረው የበረራ ዝግጅት መጠናቀቁን ተናግረዋል፡፡
አዲሱ የቀጥታ በረራ አገልግሎትም እጅግ ዘመናዊ በሆነው 787 ድሪምላይነር አውሮፕላን በሳምንት ለሶስት ቀናት እንደሚሰጥ ጠቁመዋል፡፡
ከነገ ጀምሮ የሚጀመረው በረራም በአፍሪካ ሀገራትና በሩሲያ መካከል ዘርፈ ብዙ ግንኙነት እንዲቀላጠፍ ብሎም እንዲጎለብት ያግዛል ብለዋል ዋና ስራ አስፈፃሚው፡፡
በዚህም ረገድ የንግድና ኢንቨስትመንት ግንኙነት እንዲጠናከር እንዲሁም የሩሲያ ቱሪስቶች አፍሪካ ሀገራትን እንዲጎበኙ ምቹ እድል እንደሚፈጥርም አመልክተዋል፡፡
በአሁኑ ወቅት የኢትዮጵያ አየር መንገድ በ116 አለም አቀፍ መዳረሻዎች አገልግሎቱን እየሰጠ ይገኛል፡፡
ምንጭ፦ የኢትዮጵያ አየር መንገድ
No comments:
Post a Comment
Note: Only a member of this blog may post a comment.