ደቡብ አፍሪካውያን ወጣቶች ኢትዮጵያ የምታደርገውን ትግል በሁሉም መስክ ይደግፋሉ፦ ላታታ ላክስ

ደቡብ አፍሪካውያን ወጣቶች ኢትዮጵያ የምታደርገውን ትግል በሁሉም መስክ ይደግፋሉ፦ ላታታ ላክስ

**********************

ወደ ኢትዮጵያ የመጣው የደቡብ አፍሪካው የማህበረሰብ መሪ ላታታ ላክስ ከውጭ ጉዳይ ሚኒስትር ቃል አቀባይ አምባሳደር ዲና ሙፍቲ እና ከፐብሊክ ዲኘሎማሲ ቡድን ተወካዮች ጋር ተወያይቷል።

በውይይታቸውም አምባሳደር ዲና የኢትዮጵያን ድምፅ ለማሰማት እና ለመደገፍ ላክስ እያደረገ ላለው ጥረት ምስጋና አቅርበዋል።

ወጣቱ ላክስ የውጭ ሃይሎች በኢትዮጵያ ላይ የሚከተሉትን ጣልቃ ገብነት በተደጋጋሚ ሲያወግዝ የነበረ ሲሆን ደቡብ አፍሪካ ላይ በነበረው የበቃ #nomore እንቅስቃሴም ሰፊ ተሳትፎ ሲያደርግ ቆይቷል።

ወጣቱ ያለውን ተሰሚነት በመጠቀም በቀጣይም ከኢትዮጵያ ጎን በመቆም የሚያደርገውን ድጋፍ እንዲቀጥል አምባሳደር ዲና ጠይቀዋል።

ወጣቱ ደቡብ አፍሪካዊ ላክስ በበኩሉ የነፃነት ምልክት በሆነችው ኢትዮጵያ መገኘቱ ልዩ ደስታ እንደፈጠረበት ተናግሯል።

ኢትዮጵያ የገጠማትን ፈተና በሁሉም መስክ እንድትወጣ ወጣቶች መሪ ሃላፊነት መወጣት እንዳለባቸው ተናግሯል።

እርሱ እና ሌሎች ደቡብ አፍሪካውያን ወጣቶች ኢትዮጵያውያን የሚያደርጉትን ትግል በሁሉም መስክ እንደሚደግፍ ላታታ ላክስ ገልጿል።

ላክስ በሚኖርበት አካባቢ የሶዌቶ ማህበረሰብን በማደራጀት በሚያደርጋቸው ንቅናቄዎች ከፍተኛ ተፅዕኖ እያሳደረ የሚገኝ ወጣት ነው።