____________
በምዕራብ ጎጃም ዞን የፍ/ሰላም ከተማ አስተዳደር ጤና ጥበቃ ጽ/ቤት ኃላፊ የነበሩት አቶ ልዑል መኮንን የአማራ ክልል መንግስት በጠራው የአማራ ልዩ ሀይል:ሚሊሻና መከላከያ ነጻ ባወጣቸው አካባቢወች ህዝብን የማረጋጋትና አመራርን ማደራጀት ተልዕኮ (ዘመቻ ማይካድራ) የክልሉን መንግስት ጥሪ ተቀብለው የተሰጣቸውን ተልዕኮ በታማኝነትና በቁርጠኝኘት እያገለገሉ ባሉበት ትላንትናው ዕለት ማለትም ህዳር 9/2013 ስራቸውን ሲሰሩ ውለው ሲመለሱ በወልቃይት ልዩ ስሙ አድርመጺ በሚባል አካባቢ የተሳፈሩበት መኪና ተገልብጦ ህይወታቸው አልፏል። ለአማራ ህዝብ መስዋት ሆነዋል።
አቶ ልዑል መኮንን በሰራባቸው ቦታወች ሁሉ ታማኝ: ቅን ውጤታማና ጠንካራ አመራር በመስጠት ህዝብን ያገለገለ ወጣት መሪ ነበር።
በወንድማችን መሰዋት ጥልቅ ሀዘን ቢሰማንም ለህዝብና ለሀገር ደህንነት ሲባል የተከፈለ መስዋትነት በመሆኑ ለሌሎች የትግል ጓዶቹ ህዝብን ማገልገል እስከመስዋትነት መሆኑን አስተምሮን አልፏል ።
የምዕ/ጎጃም ዞን ብልፅግና ፓርቲ ጽ/ቤትም በወንድማችን መስዋት መሆን የተሰማውን ሀዘን እየገለፀ ለቤተሰቦቹ ለወዳጅ ዘመዶቹና ለስራ ባልደረቦቹ መፅናናትን ይመኛል።
ነፍስህን ፈጣሪ በአፀደ ገነት ያኑራት
ለሀገርና ለህዝብ መስዋት መሆን ሞት ሳይሆን ክብር ነው!!
No comments:
Post a Comment
Note: Only a member of this blog may post a comment.