አዲስ የድል ዜና ከራያ አላማጣ‼️

"ኢትዮጵያ ትቀጥላለች የከሃዲው ትህነግ ቡድን ይፈርሳል።"የራያ አላማጣ ከተማ ነዋሪዎች

በጀግኖች የመከላከያ ሰራዊታችን የአማራ ልዩ ኃይልና ሌሎች የክልላችን የፀጥታ ኃይሎች በደረሰበት ሽንፈት በዛሬው እለት ከሃዲው የትህነግ ቡድን ራያ አላማጣን ለቆ ፈርጥጧል።

ደስታቸውን ሲገልፁ ያገኘናቸው የራያ አላማጣ ከተማ ነዋሪዎች ለመከላከያ እና ለአማራ ልዩ ኃይል ፖሊስ አክብሮትና ፍቅራቸውን በወሎ የእንግዳ አቀባበል ስርአታቸው አሳይተዋል።

የዝግጅት ክፍላችን ያነጋገራቸው የራያ አላማጣ ከተማ ነዋሪዎች እንደገለፁልን ላለፉት በርካታ አመታት የከሃዲው ትህነግ ቡድን ስንሰቃይ እና በገዛ ሀገራችን እንደ ባዕድ ተቆጥረን ስንሳደድ ቆይተናል።

ዛሬ ግን ጀግናው የኢትዮጵያ መከላከያ ሰራዊ፣ የአማራ ልዩ ኃይል እንዲሁም በሌሎች የፀጥታ አካላት ነፃ ወጥተናል ኢትዮጵያ ትቀጥላለች የከሃዲው ትህነግ ቡድን ይፈርሳል ብለዋል።

ነዋሪዎቹ ጨምረውም በገዛ መሬታችን እኛን እያፈናቀሉ ከሌላ አካባቢ ለመጡ የትህነግ ቡድኖች መሬታችንን ሲያሳርሱብን ቆይተዋል ሲሉ በምሬት ገልፀዋል።

የመከላከያ እና የአማራ ልዩ ኃይል አባላት በበኩላቸው ህዝቡ ያደረገልን አቀባበልና ድጋፍ በዘራፊው ትህነግ ምን ያህል ተጨቁነው እንደነበር ያሳያል ብለዋል።

"ጉዟችን ከሃዲው የትህነግ ቡድን እስኪደመሰስ ይቀጥላል‼️"

አማራ ፖሊስ ኮሚሽን