በአዲስ አበባ ከተማ ለሀገር መከላከያ ሠራዊት ከአንድ ቢሊየን ብር በላይ ድጋፍ ተሰበሰበ

በአዲስ አበባ ከተማ ለሀገር መከላከያ ሠራዊት ከአንድ ቢሊየን ብር በላይ ድጋፍ ተሰበሰበ

***************

ባለፉት ሁለት ቀናት ከአዲስ አበባ ለመከላከያ ሠራዊቱ ከሁሉም ክፍለ ከተሞች ከአንድ ቢሊየን ብር በላይ መሰብሰቡን የከተማ አስተዳደሩ ምክት  ከንቲባ ወ/ሮ አዳነች አቤቤ ገልጸዋል።

የቦሌ እና ለሚ ኩራ ክፍለ ከተማ ነዋሪዎች እና አርሶ አደሮች ለሀገር መከላከያ ሠራዊት ከ143 በላይ በሬዎች፣ በግ እና ልዩ ልዩ ቁሳቁሶችን ጨምሮ ከ95 ነጥብ 6 ሚሊየን ብር በላይ ድጋፍ አደርገዋል።

ወ/ሮ አዳነች አቤቤ የቦሌ እና ለሚ ኩራ ክፍለ ከተማ ነዋሪዎች እና አርሶ አደሮች እንዲሁም ባለፉት ጥቂት ቀናት ደግሞ በየደረጃው የሚገኙ አመራሮች፣ የመንግሥት ሠራተኞች እና መላው ነዋሪዎች ለሀገር መከላከያ ሠራዊት የሰጡት ሞራል እና ድጋፍ እንደሚያኮራ ገልጸዋል።

ለመከላከያ ሠራዊቱ ለተሰጠውም ድጋፍ ምክትል ከንቲባዋ አመስግነዋል።

ክፍለ ከተሞቹ ያደረጉትን የገንዘብ፣ የሰንጋ በሬ እና ሌሎች ድጋፎችን ወ/ሮ አዳነች ለኢፌዴሪ የሀገር መከላከያ ሚንስትር ደኤታ ወ/ሮ ማርታ ሉጂ እና ለከፍተኛ ወታደራዊ መኮንኖች አስረክበዋል።

በይድነቃቸው ሰማው