አንድ ሃብታም ጥይት የማይበሳው መኪና ይገዛና በከተማው እንደልቡ ሲሽከረከር አንድ ቀን ሌቦች ያገኙታል፣ ሰውዬውም መኪናውን ጥርቅም አደርጎ ይዘጋና አምላኩን አውጣኝ እያለ ሲፀልይ የከበቡት ሌቦች በያዙት ክላሽንኮፍ የጥይት ዝናብ ያወርዱበታል፡፡ ሰውዬውም ሞትሁ ብሎ እራሱን ይስትና ብንን ሲል መኪናው ምንም ጥይት ሳያሳልፍ አንድ እንኳ ሳያስገባ ያገኘዋል፡፡ ይህንን ያወቀው ሀብታም መኪናው ውስጥ ሆኖ ሌቦችን መሳደብ እና ማሾፍ በጣቱም ባለጌ ምልክት ያሳይ ጀመር፡፡ ከዚያ ከለቦች አንዱ ብልህ ኖሮ ጮህ ብሎ ሃብታሙን "የምትሳደበው አይሰማም " ሲለው ሃብታሙም መሰኮቱን ዝቅ አድርጎ አንገቱን አሾልኮ ሊሳደብ ሲል በጥይት ተመትቶ ጥይት የማይበሳውን መኪና ተወሰደበት እሱም ያው ከማይቀረው አለም ሄደ፡፡ ቀን ከደረሰ እንኳን ጥይት የማይበሳው ቦምብ የማይበሳው መኪና ቢይዙ ከሞት አይቀርም፡፡
No comments:
Post a Comment
Note: Only a member of this blog may post a comment.